O neno do pixama a raias
Bruno é un neno alemán dunha familia acomodada que un día se ve obrigado a irse do seu fogar e ir cara un lugar no que, segundo el, é moito máis triste e solitario do que lle gustaría, chamado Auchviz. Nel verá como pola súa ventá hai unha gran alambrada e dentro dela desfilaban moitas persoas, todos levaban un triste e sucio pixama a raias…
Esta obra non supuxo só unha aclamación unánime de todos os públicos, senón que, en todos os países e idiomas aos que foi levada conseguiu ser o número 1. A obra pode pensarse que é unicamente apta para adultos, pola contra, é apta para todos os públicos e persoas interesadas nunha lectura moi amena que nos mergulla no punto de vista dun neno inocente no que, ao principio, é para el mudarse a unha casa nun lugar illado.
Este libro supón un longo paso atrás na historia ata chegar a unha época máis escura. O holocausto nazi narrado desde o punto de vista dun neno pequeno e no que ve nos seus ollos inocentes, a situación tan dura deses presos. Ten unha forma única de escribir dándolle unha grande importancia aos pequenos detalles e vainos revelando pouco a pouco a gran trama histórica que este libro posúe. Os detalles que máis se poden aclamar son os distintos e pintorescos personaxes que compoñen esta magnífica obra.
