CLUB DE LECTURA MAREIRA: recomendacións

RECOMENDACIÓNS

OLA; somos Yago e Alberto e vimos a facervos unhas boas recomendacións de lectura para que pasedes un verán entretido.

-A primeira é unha obra clásica titulada: "1984" de George Orwell; é unha lectura de ciencia ficción que plantexa un mundo alternativo totalmente diferente ao noso.

-A segunda é "Noite de temporal" de Manuel Núñez Singala; é unha emocionante novela baseada no naufraxio do Santa Isabel que foi unha das maiores catástrofes do noso país. Sucedeu na Illa de Sálvora no ano 1921.

-A terceira recomendación é a de ¨"Viven", unha traxedia que viviu un equipo de rugby uruguaio ao que lle aconteceu un acciednte fatal nos Andes.

LEDICIA COSTAS

Hola, nós somos Carmen e María, falarémosvos sobre a grata visita de Ledicia Costas que tivemos hoxe, foi unha xornada digna de ser nomeada neste blog.Dito esto, comezamos!

Este curso as alumnas,alumnos e alumnes de 2º e 3º de ESO leron os libros de Ledicia "O Corazón de Xúpiter" e "Unha estrela no vento".

Esta foi a razón pola cal no clube de Lectura Mareira decidimos contactar coa editorial e ofrecerlle vir ao noso instituto para contar a súa experiencia así como a razón pola cal escribiu os nosos libros de interese.

Ledicia respondeu a todas as preguntas feitas polas/es/os estudantes, dende a curiosidade dunha nena pola fonte de inspiración de Ledicia ata todos os detalles sobre a creación dos seus libros.

Ao final da visita,o clube puido ter un momento a solas con ela e compartir opinións sobre outros autores e libros do noso interese común.

Persoalmente foi unha sorpresa todo o que temos en común e tamén nos deixou algúnhas recomendacións moi moi interesantes.

MOITAS GRAZAS LEDICIA!!!!

Os membros do club fixeron de asesores nas compras coas que enriquecemos os fondos literarios da biblioteca. Algunhas das últimas adquisicións que xa podedes coller para as vosas lecturas de verán foron...

Roteiro A Esmorga

O alumnado de 4ºESO leron A Esmorga, de Eduardo Blanco Amor, neste trimestre e co fin de achegarnos máis á obra, o club de lectura organizou para as titorías o visionado da versión cinematográfica e tamén unha excursión a Ourense para seguir algúns dos pasos dos míticos Castizo, Bocas e Milhomes.
Ademais aproveitamos para pasar por diferentes lugares de especial interese literario coma algunhas casas e monumentos adicados a importantes escritores galegos.

Tamén participaron no roteiro o alumnado de 3º que está no club de lectura. Aquí vos deixamos algunhas das fotos do percorrido.

Manga!

Grazas lector@s de MANGA, seguidor@s de ANIME, fans de COSPLAY que a través do Club de Lectura dades a coñecer a todo Bizocas este novo mundo co voso entusiasmo!!

Roteiro por Santiago de Compostela

O club de lectura en titorías aproveitou a excursión organizada ao Parlamento de Galicia en novembro para percorrer as rúas de Santiago lendo algúns fragmentos de novelas policiacas galegas. Gravamos as lecturas in situ e fixemos fotos dos lugares.

Deixámosvos un exemplo en vídeo dunha das lecturas : Trece Badaladas, de Suso de Toro. Arriba podedes ver tamén a ficha previa que cubrimos deste autor en concreto.

Samaín na biblioteca

Na primeira xuntanza de tarde no curso 2015-16, os participantes do club prepararon a biblioteca para o Samaín... telarañas, morcegos e cabazas misturáronse con lendas, tradicións celtas e historias de medo.

Visita de Pedro Feijoo

Mangas

Bueno como xa vos fomos anunciando a chegada dos mangas, aquí vos traemos un video de adianto exclusivo sobre os novos libros.

Como estas novidades parece que están causando furor, podedes dicirnos aos membros do club de lectura algúns títulos que vos gusten e intentaremos conseguilos para a biblioteca.

BookTubers

Que é un BookTuber?

Un BookTuber é un critico literario (xeralmente novo) que comenta os libros que le, os libros que compra, como ordenan os seus libros,... As súas críticas están publicadas nos seus canais de YouTube.

O que nos gusta dos BookTubers é que son moi sinceros e é un punto de vista diferente e obxectivo.

Estes son dous dos máis populares:

El coleccionista de mundos

Las Palabras de Fa

Cupidos invisibles

Co San Valentín ás portas e partindo da idea dunha "Cita a cegas...cun libro" da Biblioteca Bizocas, no club tamén celebramos o día dos namorados.

Facendo de cupidos invisibles escollemos un libro da biblioteca para cada un dos membros do club.

Seremos quen de darlle unha oportunidade ao libro da nosa cita? Comentarémolo na vindeira xuntanza...

Primeiras compras do club

O proxecto do club de lectura para este curso vén de recibir unha axuda por valor de 1000 euros da Dirección Xeral de Centros e RRHH da Consellería de Educación, que se invertirán na maior parte en fondos para a biblioteca do centro.

Xa comezamos a nosa escolla...esperamos que vos guste!

Visitamos o CEIP As Bizocas

O Club de Lectura Mareira foi de visita ao cole As Bizocas.

Aquí vos deixamos unhas fotos do que estivemos a facer.

Os Fillos do Mar

Empezamos coa seguinte lectura común!

Chea de aventuras, misterio, tesouros e tamén algo de romanticismo...

Simón Varela é un mediocre arquitecto residente en Vigo. Un día recibe unha chamada dunha señora da alta sociedade viguesa, Isabel Llobet, para que lle faga unha reforma nunha fonte da súa propiedade. Aos poucos días de comezar a reforma, Simón atopa un cofre pechado...

Aínda queda algún exemplar na biblioteca, bulee!!

Aquí vos deixamos tamén unha entrevista co autor, ao que esperamos ter de visita neste curso.

TERTULIA DIVERXENTE

Chegou o tan esperado momento!!

Este xoves 9 de outubro preparade o tupper ou o bocata e vémonos na biblioteca despois de clase.

Comentaremos primeiro a triloxía DIVERGENT sen afondar en detalles do final para non estragarlle a lectura aos que aínda están entrando na historia e despois veremos a película baseada na primeira parte.

Se non tedes a autorización, falade con calquera membro do club ou coa coordinadora, Marta Fernández.