CLUB DE LECTURA MAREIRA: autores

Os membros do club fixeron de asesores nas compras coas que enriquecemos os fondos literarios da biblioteca. Algunhas das últimas adquisicións que xa podedes coller para as vosas lecturas de verán foron...

A coordinadora do Club asistíu o sábado 16 ao X encontro de Clubs de Lectura que se celebrou en Santiago.

Visita de Pedro Feijoo

Aquí vos deixamos algunhas fotos da visita do autor de "Os Fillos do Mar", novela que estivemos lendo e comentando no club neste curso.

Parte do noso alumnado xa era fan da súa obra, mais despois de coñecelo xa temos a uns cuantos máis... Esperamos con ganas o seu vindeiro libro e outra visita!

Moitísimas grazas, Pedro!

O proxecto do club de lectura para este curso vén de recibir unha axuda por valor de 1000 euros da Dirección Xeral de Centros e RRHH da Consellería de Educación, que se invertirán na maior parte en fondos para a biblioteca do centro.

Xa comezamos a nosa escolla...esperamos que vos guste!

PEAXES

Comezamos nova lectura!

Desde a súa ventá ao mundo, un caixeiro de peaxe da autoestrada bota unha ollada ás fraccións de vidas que se cruzan con el acotío. Esas instantáneas compoñen unha colaxe que lle axuda a fuxir da soidade. A partir destes encontros fugaces, ceiba a súa imaxinación e crea un universo ao ritmo da música que sae dos nosos vehículos cando baixamos a xanela para pagar, un planeta movido por anacos de conversas que desaparecen a cen quilómetros por hora. Desde a cabina, o narrador obsérvanos, temeroso de mergullarse na nosa rutina, mais contento de que rompamos a súa. Os usuarios da autoestrada erixímonos en protagonistas dun relato áxil que acelera nas curvas perigosas. En Peaxes conflúen todas as Galicias existentes e as imaxinadas, demostrando que realidade e ficción comparten a miúdo o noso destino.

Clicade aquí para ler unha entrevista co autor.

Nun mes darémosvos o noso veredicto!

Novo libro de Teresa González Costas

Xa a coñecedes por algúns dos seus libros que tedes na biblio e moitos xa lestes...

Este xoves 8 de maio, ás 20:00 na Galería Besada no Grove, tedes a oportunidade de vela na presentación da súa nova obra: "Os santos nunca dormen". Clica na imaxe se queres saber de que vai...

OTOÑO AZUL

Mergullámonos nunha nova lectura que narra o encontro entre dous adolescentes en Barcelona. Libros, dor, amizade, cáncro...

Aquí vos deixamos un vídeo do autor, José Ramón Ayllón, falando sobre a lectura.