No día de hoxe, o alumnado de 4º A puido desfrutar do seu premio, un picnic na cafetería do noso IES, acompañados de membros do Club de Lectura. Seguro que o desfrutaron!!!

Os membros do Club de Lectura, Nico e Carmen, fixeron entrega do premio á clase de 4º A, pola súa certera investigación de "O tempo remta". Parabéns!!!

Os diferentes cursos presentaron as súas solucións ao enigma "O tempo remata". Queda pouco para que o Club de Lectura dea a coñecer quen foi a clase con máis instinto investigador....

Hoxe puxemos a pista nº 2. A estruxarse os miolos!!!!

O Club de Lectura participa na Semana Cultural do centro cunha actividade baseada na novela negra e titulada "O tempo remata" na que participará todo o alumnado do centro e os seus titores . Aquí vos deixamos as bases da actividade e a 1ª pista. A investigar!!!

Hoxe celebramos a actividade "A busca do ovo de Pascua" co alumnado de 1º e de 3º, dentro dos grupos TEI. Nesta actividade os grupos uniron esforzos nunha actividade de busca, cunha deliciosa recompensa final!!!

Preparando a actividade "A busca dos ovos de Pascua", inicitiva dos membros do Club de Lectura que se levará a cabo cos grupos TEI do centro

Semana da Novela Negra

O alumnado do club de lectura estamos a preparar un concurso relacionado coa novela negra.

Durante as titorías da semana do 6 ao 10 de xuño poderedes participar na investigación de dous crimes "acontecidos" no noso instituto! 

Nesa titoría a coordinadora do club de lectura e da biblioteca explicaravos o que tedes que facer e algúns membros do club estaremos nas escenas dos crimes para axudarvos. 

Boa sorte!

Semana do libro en Bizocas

A biblioteca e o club de lectura do centro, en colaboración co departamento de Orientación e cos CEIP Bizocas e Valle-Inclán, organizamos diversas actividades para a vindeira semana co motivo da celebración do Día Mundial do Libro, o 23 de abril. 

Esperamos que vos gusten as lecturas compartidas!!

(Podedes ler o folleto en pantalla completa premendo doble clic sobre a imaxe.)

Roteiro A Esmorga

O alumnado de 4ºESO leron A Esmorga, de Eduardo Blanco Amor, neste trimestre e co fin de achegarnos máis á obra, o club de lectura organizou para as titorías o visionado da versión cinematográfica e tamén unha excursión a Ourense para seguir algúns dos pasos dos míticos Castizo, Bocas e Milhomes.
Ademais aproveitamos para pasar por diferentes lugares de especial interese literario coma algunhas casas e monumentos adicados a importantes escritores galegos.

Tamén participaron no roteiro o alumnado de 3º que está no club de lectura. Aquí vos deixamos algunhas das fotos do percorrido.

Roteiro por Santiago de Compostela

O club de lectura en titorías aproveitou a excursión organizada ao Parlamento de Galicia en novembro para percorrer as rúas de Santiago lendo algúns fragmentos de novelas policiacas galegas. Gravamos as lecturas in situ e fixemos fotos dos lugares.  

Deixámosvos un exemplo en vídeo dunha das lecturas : Trece Badaladas, de Suso de Toro. Arriba podedes ver tamén a ficha previa que cubrimos deste autor en concreto.