Semana do libro en Bizocas

A biblioteca e o club de lectura do centro, en colaboración co departamento de Orientación e cos CEIP Bizocas e Valle-Inclán, organizamos diversas actividades para a vindeira semana co motivo da celebración do Día Mundial do Libro, o 23 de abril. 

Esperamos que vos gusten as lecturas compartidas!!

(Podedes ler o folleto en pantalla completa premendo doble clic sobre a imaxe.)

Visita de Anxo Fariña

O pasado luns 15 de febreiro, Anxo Fariña concedeunos un chisco do seu tempo, dando ao alumnado de primeiro curso (e aos membros do Clube de Lectura do instituto) unha impresionante charla sobre a súa exitosa obra Os Megatoxos, lectura obrigatoria para os rapaces que cursan 1º.
O escritor, facendo gala da súa habitual retranca, explicou como as aventuras d'Os Megatoxos chegaron ao papel grazas a unha peculiar aposta cun bo amigo.
Así, dende a cuna á imprenta, os diversos procesos de creación literaria foron explicados coa axuda de caixas, botellas e ata tetrabriks.
E, para rematar, debuxou a Joaquín e a Sandra, a súa maior fan nas Bizocas e parte do estranxeiro.

Unha vez máis, ¡moitas grazas pola túa visita, Anxo!

Roteiro A Esmorga

O alumnado de 4ºESO leron A Esmorga, de Eduardo Blanco Amor, neste trimestre e co fin de achegarnos máis á obra, o club de lectura organizou para as titorías o visionado da versión cinematográfica e tamén unha excursión a Ourense para seguir algúns dos pasos dos míticos Castizo, Bocas e Milhomes.
Ademais aproveitamos para pasar por diferentes lugares de especial interese literario coma algunhas casas e monumentos adicados a importantes escritores galegos.

Tamén participaron no roteiro o alumnado de 3º que está no club de lectura. Aquí vos deixamos algunhas das fotos do percorrido.

Gañadores do I Concurso de Cosplay

Grazas pola participación no I Concurso de Cosplay organizado polo Club de Lectura. Os premios foron para  Isela Rodríguez polo seu disfraz de Taiga  de Toradora e Breixo Mato e o seu disfraz de Sanji de One Piece.

Cada un deles recibiu un manga, un caderno e uns  lapis de cores.

Parabéns aos gañadores!!

Manga!

Grazas lector@s de MANGA, seguidor@s de ANIME, fans de COSPLAY que a través do Club de Lectura dades a coñecer a todo Bizocas este novo mundo co voso entusiasmo!!  

Roteiro por Santiago de Compostela

O club de lectura en titorías aproveitou a excursión organizada ao Parlamento de Galicia en novembro para percorrer as rúas de Santiago lendo algúns fragmentos de novelas policiacas galegas. Gravamos as lecturas in situ e fixemos fotos dos lugares.  

Deixámosvos un exemplo en vídeo dunha das lecturas : Trece Badaladas, de Suso de Toro. Arriba podedes ver tamén a ficha previa que cubrimos deste autor en concreto.

III Concurso de Lendas Terroríficas

O Club de Lectura participou por primeira vez coma xurado no Concurso de Lendas Terroríficas para Samaín organizado polo Equipo de Dinamización e a Biblioteca do centro. 
  

Lemos en voz alta e nunha penumbra silenciosa todos os relatos presentados e votamos polos nosos favoritos. 

Finalmente, estes son os relatos gañadores...
PARABÉNS MARTÍN, ANTÍA E SANDRA!! 

Samaín na biblioteca

Na primeira xuntanza de tarde no curso 2015-16, os participantes do club prepararon a biblioteca para o Samaín... telarañas, morcegos e cabazas misturáronse con lendas, tradicións celtas e historias de medo.

  

Benvid@s!

Comezamos novo curso e novas historias. 

Animádevos a participar nas actividades do club.

OS MÉRCORES. NO RECREO. NA AULA DE INFORMÁTICA.

Visita de Pedro Feijoo

Aquí vos deixamos algunhas fotos da visita do autor de "Os Fillos do Mar", novela que estivemos lendo e comentando no club neste curso. 

Parte do noso alumnado xa era fan da súa obra, mais despois de coñecelo xa temos a uns cuantos máis... Esperamos con ganas o seu vindeiro libro e outra visita!

   

Moitísimas grazas, Pedro!

Visita de Pedro Feijoo

Mangas

Bueno como xa vos fomos anunciando a chegada dos mangas, aquí vos traemos un video de adianto exclusivo sobre os novos libros.

Como estas novidades parece que están causando furor, podedes dicirnos aos membros do club de lectura algúns títulos que vos gusten e intentaremos conseguilos para a biblioteca.

Papiroflexia na semana cultural

Na semana cultural (14-15 maio), algúns membros do club de lectura participamos nos obradoiros de papiroflexia. Demos clases aos grupos de 1º,2º e 3º de ESO. Nos grupos ensinamos algunhas figuras como estrelas ou triangulos para facer peixes. As figura feitas adornarán a biblioteca coas cores de club de lectura Mareira.

                                                                                                                                                 

        Peixe de papiroflexia                           Estrela de papiroflexia

Adrián Garrido. 1ºA

OS MEGATOXOS - RESEÑA

Os Megatoxos é, sen dúbida, un dos libros que está pisando forte esta tempada, e deseguido ímosvos resumir por que está a triunfar dese modo.

Anxo Fariña introduce na súa obra mestra a catro personaxes: Ruxe, Faísca, Lúa e Ninfa, que de seguro vos van encantar. Eran rapaces normais coma nós e vós, pero grazas a un inesperado accidente, as súas vidas mudaron por completo. Sumérxete da man de Anxo e compaña en sorprendentes aventuras, estraños poderes e misteriosos antagonistas e encontros que nunca antes imaxinaras.

O primeiro dos cinco libros que (polo momento) conforman a saga.

Atréveste a pasar páxina? Agardámoste!

-Sandra e Darío

BookTubers

Que é un BookTuber?

Un BookTuber é un critico literario (xeralmente novo) que comenta os libros que le, os libros que compra, como ordenan os seus libros,... As súas críticas están publicadas nos seus canais de YouTube.

O que nos gusta dos BookTubers é que son moi sinceros e é un punto de vista diferente e obxectivo. 

Estes son dous dos máis populares: 

El coleccionista de mundos

Las Palabras de Fa