CLUB DE LECTURA MAREIRA: 2014

Visitamos o CEIP As Bizocas

O Club de Lectura Mareira foi de visita ao cole As Bizocas.

Aquí vos deixamos unhas fotos do que estivemos a facer.

Programa de radio Son de Linguas.

Xa está nos blogs do EDL e da biblioteca

o programa de outubro da nosa radio escolar.

Grazas Darío e Carla

por dar a coñecer o noso club polas ondas!

Se queredes escoitar a nosa sección
ide directamente ao minuto 9.31.

Os Fillos do Mar

Empezamos coa seguinte lectura común!

Chea de aventuras, misterio, tesouros e tamén algo de romanticismo...

Simón Varela é un mediocre arquitecto residente en Vigo. Un día recibe unha chamada dunha señora da alta sociedade viguesa, Isabel Llobet, para que lle faga unha reforma nunha fonte da súa propiedade. Aos poucos días de comezar a reforma, Simón atopa un cofre pechado...

Aínda queda algún exemplar na biblioteca, bulee!!

Aquí vos deixamos tamén unha entrevista co autor, ao que esperamos ter de visita neste curso.

TERTULIA DIVERXENTE

Chegou o tan esperado momento!!

Este xoves 9 de outubro preparade o tupper ou o bocata e vémonos na biblioteca despois de clase.

Comentaremos primeiro a triloxía DIVERGENT sen afondar en detalles do final para non estragarlle a lectura aos que aínda están entrando na historia e despois veremos a película baseada na primeira parte.

Se non tedes a autorización, falade con calquera membro do club ou coa coordinadora, Marta Fernández.

Estamos de volta!

Este mércores 24 de setembro o club volve das vacacións.

Falaremos das nosas lecturas de verán

e faremos plans para este curso.

BOOKS & BEACH

DEIXANDO PEGADA NA BIBLIO

23 xeitos orixinais de interromper a lectura

Clicade na imaxe para velas:

PEAXES

Comezamos nova lectura!

Desde a súa ventá ao mundo, un caixeiro de peaxe da autoestrada bota unha ollada ás fraccións de vidas que se cruzan con el acotío. Esas instantáneas compoñen unha colaxe que lle axuda a fuxir da soidade. A partir destes encontros fugaces, ceiba a súa imaxinación e crea un universo ao ritmo da música que sae dos nosos vehículos cando baixamos a xanela para pagar, un planeta movido por anacos de conversas que desaparecen a cen quilómetros por hora. Desde a cabina, o narrador obsérvanos, temeroso de mergullarse na nosa rutina, mais contento de que rompamos a súa. Os usuarios da autoestrada erixímonos en protagonistas dun relato áxil que acelera nas curvas perigosas. En Peaxes conflúen todas as Galicias existentes e as imaxinadas, demostrando que realidade e ficción comparten a miúdo o noso destino.

Clicade aquí para ler unha entrevista co autor.